_Праект "15 хвілін..."


"15 хвілін: Беларусь!" – гэта своеасаблівы кінаадлік часу або адлегласьці да мэты: праз 15 хвілін Беларусь, 15 хвілін з жыцьця і мары, акадэмічная чвэрць гадзіны для тых, хто прывык спазьняцца... Інакш кажучы, гэта 5-15 хвілін кінасвабоды, вольнага подыху без самацэнзуры. Гэта пошукі тэмы, гісторыі, героя ці зьявы, якія трэба апісаць, зафіксаваць. Дакумэнтальны фільм, які назірае, стварае або нават шукае новыя кінаформы. Заўсёды – пра важныя і сьмешныя рэчы. Моманты, злоўленыя ў кадры – гэта эскізы да вобраза Беларусі, які паўстае пры ўдзеле польскіх кінадакумэнталістаў – ад 2011 г. да сёньняшняга дня.
Іяланта Кільян

...больш

Майстроўню фільмаў


Праграма Майстроўні складаецца з двух частак:

03.10.2017 і 04.10.2017 ― публічныя прэзентацыі № 33 альманаха «pARTisan», прысвечанага польскаму дакументальнаму кіно; а таксама беларускага выдання падручніка «Дапаможнік кінадакументаліста» аўтарства праф. Гражына Кэндзеляўскай

05.10.2017 ― 07.10.2017 ― закрыты варштат выкладчыкаў Польскай вышэйшай кінашколы ў Лодзі ― праф. Гражыны Кэндзеляўскай і Славаміра Кальвінка.

У межах варштата 12 аўтараў(-ак) змогуць прэзентаваць і распрацаваць свае кінапраекты, абмеркаваць і адшукаць магчымасці іх вытворчасці. Колькасць удзельнікаў абмежаваная.

«Асабліва нас цікавяць праекты кароткаметражных дакументальных аўтарскіх фільмаў-расповедаў, працягласцю ад 5 да 15 хвілін, якія можна прэзентаваць як на фестывалях, так і ў інтэрнэце, ― распавядае каардынатарка праекта Іаланта Кільян. ― Мы шукаем прапановы для фільмаў, якія апісвалі б герояў і з’явы з Беларусі, з найбліжэйшага атачэння рэжысёра, калі камера можа здымаць жыццё зблізку або калі рэжысёр здымае важную падзею.»



...больш